Popular Bible Verses from Rɔmënyüü 11

Share

'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!

Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!

Nyɔɔ 'plɛɛ jre 'Pläkänyɔɔa bobowii le? Nyɔɔ 'plɛɛ bä 'ɔa ‑tɔɔ 'lɩpanyɔɔ le ?

'Asɩ 'i bä bɩa 'saarɩ. Nyɔsʋaa ‑gbinanakʋ 'lɩ 'ɔ bere nyüü ‑mölöö 'klɩ. ‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä.

'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ. 'Ii känyrɩ ‑nyɩ nʋ katëlë ‑nyɩ 'ba ‑na nyufa nyɔɔwʋ. ‑Ama nëmä ‑na nyufa nyɔɔwʋba nɩ, ‑nyɩ ‑trɔ 'sɩrɩ ‑toŋloa' tigblii ‑wälɩ, ‑maa tigblii 'ii nö ‑mɩ.