Popular Bible Verses from Marëkë 6

Share

'Ü 'nɩ jä 'taɩn ‑a 'ümä dɛɛji, nyüülü jöa' ü möa' 'üa ‑gʋ; Jesu nya ‑gbala 'üün: «'Ba ji amä 'klɩbere ‑aaga 'lɩ, 'amä ‑fʋflʋ 'pa jie.»

Jesu nya ‑gbala 'üün ‑maa: «‑Pɩɔ o ‑pɩɔ nyɔsʋaamlɩpalanyɔɔ ‑sröröa' 'ü 'dara 'ɔɔn nyɔɔ; ‑maa 'ɔa 'brea nyüü, 'ɔa ‑gböölia nyüü nyra 'ɔa nyükölia nyüü, 'üa 'doo 'üü 'nyɩ 'dara 'ɔɔn nyɔɔ.»

Jesu 'mä ‑gɔlʋ 'lɩ 'ciekalɩ mi nɩ, nyüü 'kɔkɔmlɛa ‑jria 'ɔ 'jä, 'üa nyatɛrɩ nya ‑sie 'ɔɔn 'wli. 'Ü ‑beere ‑bablëëlë 'nyɩa' ‑gbanyɛrɛnyɔɔ kä. 'A ‑plɩɩ 'ɔ 'bala 'üa wii 'kɔkɔmlɛa 'kpɩkpɩakʋ.

'Ia ‑gʋ 'ɔnyɩ 'lɩ ‑saragbi ‑a nrörö ‑bɛ 'asɩɛ 'ɔ 'pie ‑wusublanyüü ‑mölöö 'dari ‑gälɩ 'ɔnya 'pʋɔ 'üün. 'Ünyɩ 'ɔɔn plɛ ‑a toro; 'i 'kala 'ɔɔn plɛklɩ. 'Ɔnya ‑gblaara bätëlë kɔkɔa' 'lɩ ‑gba, ‑bɛ 'ɔ 'kpɩa.

Jesu nya dɔrɔ 'flɔɔbü ‑gböö nyra ‑srü 'sɔɔlü 'wʋ, 'ɔnya 'jrara cɛ 'nyü 'kä, 'ɔnya 'trɛɛ Nyɔsʋa. 'Ɔ bɩaa' Nyɔsʋa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä. 'Üa 'fɩɔ nya jidɛɛ 'ünya dö. 'Ü ‑nyɩglaa' ‑srü nyra 'flɔɔ klüülü tɩɔa' 'lɩ 'kä nɩ, 'ü 'sie dɔgbɩ ‑pʋ ‑bɛ 'sɔɔ.