Popular Bible Verses from Matiö 27

Share

‑Gbiajrʋa ‑gliiibei tääa' dii 'lɩ nɩ, Jesu nya 'kpö ‑gböösa 'ɔ ‑nëma: «Eli, Eli lama sabakëtani?» 'Ia ‑gbaa bä: «'Na Nyɔsʋa, 'na Nyɔsʋa, dɛplɛɛ kä ‑gʋ ‑sɔ 'mɩ dɛrɩ le?»

'A ‑plɩɩ dɔʋlʋ pösö ɩa' Nyɔsʋaanyuku kpaku ‑wälɩ ‑gaalalɩ ‑plou, kolo 'ua 'wlugba 'kä ‑a ‑tɔɔ 'lɩ ‑wälɩ. ‑Tʋtʋ tɩtrɛ, 'täkë ‑gaglalɩ. 'Dasi ‑jejrioklɩ nyɔsʋaanyünanyüü 'kɔkɔmlɛlü jäa' nya sɔ 'kuaabre.

Jesu nya 'kpö 'sɔɔwʋ ‑gböösa 'ɔnya 'balɩ ‑fʋflʋ.

'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

‑Sopuwlaa nɩ, 'jöjrüükpü nya pala 'ia 'blɩlɩa 'fɩɔ ‑gälɩ palapalaa ‑gbiajrʋa ‑gliiibei tää.

Pilatë nya ‑gbala 'üün: «‑Bɛ ‑asɩ 'a 'bata ‑a nʋ Jesulɔ 'ü 'daraa' 'Kriisë le?» 'Üa 'fɩɔ ‑nëma: «Kolo 'ɔɔn krʋa ‑gälɩ!» ‑Gofɩanëma kpakö nya 'bete 'üün: «Bʋbɔgbi 'plɛɛ 'ɔ nʋ le?» 'Ünya 'klere 'sɔɔwʋ 'wʋ, 'ünya ‑gbolomlɩ: «Kolo 'ɔɔn krʋa ‑gälɩ!»