Popular Bible Verses from Matiö 13

Share

‑Maa papladiili blöa' 'mʋfa ‑tʋtʋ ‑gälɩ, 'a nyɔɔlɔ poa' nyɔsʋaawii 'nyakli ‑bɛ 'ɔ 'nöa'. 'Ɔɔ ‑beere papladiili kä ‑gö 'döö tʋäa' ‑glʋɩgböö (100), ‑mölöö tʋäa' ‑glʋɩtää (60), ‑bɛ ‑mölöö tʋäa' ‑glʋ ‑bɛ ‑pʋ (30).»

Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

'Nyʋfɔlʋ kä mlɩ papladii böblöa' nɩ, 'a nyɔɔlɔ poa' 'Kamapläa wii 'nyakli ‑bɛ Plɛbʋbɔsusu jöa' ‑bɛ 'u 'baaa' 'ɔa plɛ 'klɩ wiili plaraa' 'lɩ.

'Täkëtʋtʋlʋ kä ‑gälɩ papladii böblöa' nɩ, 'a nyɔɔlɔ ɔma 'nua' nyɔsʋaawii 'wli dotro ‑bɛ ɔ 'kplaaa' 'iin dɔrʋsa, ‑maa 'ɔa plɛ 'nyɩ 'iin 'kpla ‑a 'kpla 'cɩcasa. 'Ɔnyɩ ‑tʋ wii 'nyügba ‑a. 'Pɩrɩgälɩ nɩ, ɔma bä ‑sʋɩ 'lɩ, 'aiɛ üma jrara 'ɔɔn 'nyüamlɩ nyɔsʋaawiia ‑gʋ nɩ, 'köklesaplɩɩ 'ü 'wʋä nyɔsʋaawii dɛrɩ.

«'Asɩ cɛɩɩa 'kamaplä ‑beere 'sɩrɩ 'bɩɔ ‑sisrea' putu 'lɩ. Nyɔɔ 'doo nya 'jä 'uun 'ɔnya ‑sisie 'sɔɔwʋ 'uun ‑pɩɔ ‑mɩdoo. 'Ɔa dɔrʋa 'mlɩ nɩ, 'ɔnya 'pa diili kä 'fɩɔ 'ɔ 'klaaa' 'peru 'ɔmä putulu ‑su.

‑Moloo nya böblö 'mʋfa ‑tʋtʋ 'lɩ; 'unya ‑ga, 'unya tʋ 'mʋfasa. ‑Gö ‑mölöö tʋä 'jajua ‑glʋɩgböö (100), ‑mölöö tʋä 'jajua ‑glʋɩtää (60), ‑bɛ ‑mölöö tʋä 'jaju ‑glʋ 'jaju ‑pʋ (30).

'Ba 'cɛrɛ 'iin ‑wälɩ ‑bleeea 'sasataɩn 'mä 'lɩjrä. 'Ɛa 'sasataɩn 'lɩ nɩ, 'nyaa 'jrʋpafɛnyüü ‑gbalaa: 'Ba 'böbö ‑kätɩ bʋbɔsipi 'amä 'iin 'pütö. ‑Maa ‑bleeelɛ nɩ, 'ba ‑teere 'ɛɛn 'na nyikli 'lɩ.› »