Popular Bible Verses from Matiö 10

Share

«'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.

Nyɔɔlɔ 'bataa' 'ɔa 'kläa ‑wälɩtʋtʋkʋ, 'ɔnya 'ään 'mɔlɔa. ‑Maa nyɔɔlɔ 'mɔlɔa' 'ɔa 'klä 'na ‑gʋ nɩ, 'ɔnya 'ään 'jäa.

'Anyɩ pɩ nyüülü 'blaaa' 'jajɛa 'doo, ‑bɛ 'ünyɩa' 'lɩbɩa 'ümäa' ‑gälɩa ‑susu 'bla. Nyɔsʋaa pɩpɩkʋ ‑siwʋ, 'ɔɔ 'mrɛɛ ɔ be 'jajɛ nyra ‑gälɩa ‑susu kapulu 'nyɩ 'nyrɔlɔa' 'plɔʋa 'mlɩ.

Nyɔɔlɔ 'nyɩ ‑gbötöa' 'ɔa krʋa ‑bɛ ɔ 'daaa' 'ɔmä 'mɩ dɛrɩprɛ nɩ, 'ɔnyɩ 'mɩ 'klɩ ‑a 'wʋ.

«Nyɔɔ o nyɔɔ 'mäa' 'mɩ jre nyüüa 'klɩ nɩ, 'na 'mʋgbɛlɔ nɩ, 'nyaa 'ɔɔn jrea 'na Tʋlɔ bäa' cɛlɩ, 'ɔa 'klɩ. ‑Maa nyɔɔ o nyɔɔ 'mäa' 'daa 'ɔnyɩ 'mɩ ‑a jre nyüüa 'klɩ nɩ, 'na 'mʋgbɛ, 'nëmä bɩa 'ɔmɩ ‑a jre 'na Tʋlɔ bäa' cɛlɩ, 'ɔa 'klɩ.

'Ba 'pʋɔ ‑wusublanyüü, 'ba tɛrɛ jäjänyüü 'kä, 'ba ‑futo nyüülü 'jrʋ 'klaaa', 'ba prɛ bɩa domüü. 'Flɛɛlɩ 'a 'jä 'ia 'klülü, 'ii känyrɩ 'ba ‑fɛ bɩa 'ia 'jrʋpalä 'flɛɛlɩ.

'Ia ‑gʋ, 'anyɩ kä ŋalɛ, 'be 'a ‑si 'fɩfɩɛ ‑jie 'kɔkɔmlɛ 'wʋ.

«'Anyɩ bobo ‑maa 'wlinönrökʋ 'n ja ‑tʋtʋ ‑gälɩ. 'Nyɩ 'wlinönrökʋ ‑tʋtʋ ‑gälɩ ‑a ja, ‑maa ‑jɛrɛ 'n ja.