Popular Bible Verses from Jenɛɛsë 39

Share

Yawe bä Josɛɛfë dɛrɩ. Diili kä 'fɩɔ 'ɔ nöa' 'i 'wʋälɩmlɩ. 'Ɔa 'kamanyɔɔ Ejiipëtënyɔɔlɔa ‑gbööli 'ɔ kʋ.

'Ɔnya tɩ 'ɔa käkädiia 'fɩɔ Josɛɛfë kälɩ. ‑Mää ‑gböölia dɩjɔ 'doo 'ɔ ‑kanyɩ nʋ, 'ima 'nyɩ dɛɛjijikʋa 'doo ‑a bä. Josɛɛfëlɔ nɩ, 'ɔ 'na; 'ɔa 'nanakʋa ‑srɩ 'nyɩ 'pɛɛ ‑a 'pɛɛ.

‑Jienyüüa ‑gbaglaranyɔɔ nya ‑nyɩ Josɛɛfë ‑jienyüüa 'fɩɔa 'kamakʋ kälɩ. 'Ɔɔ ‑jienyukua wiia 'fɩɔ ‑srörö kälɩ.

Josɛɛfëa 'kamanyɔɔ nya 'kpla Josɛɛfë 'ɔnya 'pa 'ɔɔn ‑jie 'lɩ; ‑nyɛɛ ‑jienyüköli, ‑tɛlɩ 'ü ‑tʋʋäa' 'kɩɩa ‑jienyüü 'a ‑nyɛɛ 'ü ‑tʋ 'ɔmɩ. 'A ‑jie 'lɩ 'ɔ bä, ‑maa Yawe bä Josɛɛfë dɛrɩ, 'ɔa ‑gbinanakʋ bä bɩa 'ɔɔn ‑gälɩ: Yawe nya 'nʋ 'iin 'sɩrɩ ‑jienyüüa ‑gbaglaranyɔɔa 'mäa' Josɛɛfë ‑wa.

'Ia 'fɩɔ ‑sia nɩ, 'ɔa 'kamanyɔɔa 'ŋlʋʋa 'jäa' Josɛɛfë nɩ, 'ɔnya kä 'ɔɔn 'tʋ, 'ɔnya ‑gbala 'ɔɔn: «Ji ‑a ‑jre 'mɩ!» Josɛɛfë nya blara 'ɔɔn 'klɩ, 'ɔnya ‑gbala 'ɔɔn ‑maa: «'Na 'kamanyɔɔ 'nyɩ prɛrɛ 'mɩ 'nyü dɛrɩ ‑a 'ɔa ‑gböölia wiia ‑gʋ. 'Ɔnya ‑nyɩ 'mɩ diili kä 'fɩɔ 'ɔ käa' kälɩ. Nyɔɔ 'nyɩ ‑pɩ ‑gbööli ‑a bä ɔmäa' 'mɩ 'wʋsi, ima 'nyɩ ‑mɩ ‑a bä. 'Be 'ɔa 'ŋlʋʋ bä. ‑Bɛ ‑asɩ 'mä 'ia ‑balʋ kpakulua nʋnʋkʋ nʋ le! Dɛplɛɛ kä ‑gʋ 'mä 'ia 'sama ‑balʋlʋ Nyɔsʋa 'klʋɩ ‑gälɩ nrörö le?»

‑Jrüü 'doo 'lɩ nɩ, 'ɔnya pa nyüköli 'ɔmä 'ɔa 'jrʋpa ‑fɛ. 'Ia ‑srɩlɩa 'mlɩ 'jrʋpafɛnyüüa nyɔɔ 'doo 'nyɩ nyüköli ‑a bä. 'Ŋlʋʋlɔ nya 'kpla 'ɔa 'kotu 'ɔ ‑nëma: «'Saarɩa ‑srɩlɩ ‑nya 'mɩ dɛrɩ 'nyɛa!» 'Ɔnya ‑gba 'ŋlʋʋlɔ 'ɔa 'kotu kälɩ 'kä 'ɔnya fɔlɔ ‑fälɩ.