Popular Bible Verses from Galaatënyüü 5

Share

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ; ‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na.

'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ.

Ama 'daa ‑Susu ‑nyɩ amɩ 'klä nɩ, a cɛrɛ ‑Susu ‑wälɩ 'umä amɩ 'tiere ‑bɛ amä 'nyɛ.

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

‑Bɛ nyüüa 'fɩɔ jre nyɔɔa bʋbɔplɛa 'jrʋpa, 'ää bä: bätësa, ‑sagbili Nyɔsʋa 'nyɩ 'bataa', nʋnʋgbili plaa' ‑fre 'lɩ, ‑nyɩ 'ba ‑na nyufa nyɔɔ 'wʋ, ‑wäsɩa ‑pʋpʋakʋ, ‑gëglä 'papakʋ, 'crɛ 'mlɩpapakʋ, 'blarakʋ, wasä käkäkʋ, 'crɛ käkäkʋ, ‑gbakäklɛkʋ, ‑gbasɔsrɔkʋ, dɛrɩsɔsrɔkʋ, dɛɛnyükäkäkʋ, nyüübablakʋ, 'nʋbablakʋ, jijri jijikʋ nyra dii ‑mɩlɩ 'i nyra 'iin bäa' dɛɛ 'dee. 'Amɔ 'n ‑gbala dotro, ‑bɛ 'n 'paa 'amɩ plɛ, 'sɩrɩ nyüülü nöa' 'ia 'samaa diili nɩ, 'üa kʋfa 'nyɩ Nyɔsʋaa 'kamaplä ‑a bä.

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

'Be bʋbɔgbili käa' plɛ 'tʋ nɩ, ‑mää 'iin 'nyɩ ‑Susu 'tʋkä. ‑Bɛ ‑mɩlɩ käa' ‑Susu 'tʋ nɩ, ‑mää 'iin plɛ 'nyɩ plɛ 'tʋkä. 'Ü jajranyüüa 'mlɩ, 'kä wiili 'a 'bataa' 'a ‑pɩ 'iin nʋ.

'Be ‑dɔa 'fɩɔ 'pala waklöö 'döö 'lɩ, 'ä bä: « 'Sɩrɩ ‑waa' ‑na nyufa nɩ, ‑wa 'saa ‑na ‑moloo .»

Anyɩ ‑gbalɩ, a ‑pɩ ana ‑tɔrʋpɩɔ plɛklɩfefekʋ nyra wasä ja.

'Kriisë 'ba amɩ ‑dɔa ‑geeidɛɛ 'lɩ, a ‑ka ‑pɩ ‑geei bä. 'Ii känyrɩ 'ba ‑sɔɔrɔwʋ 'wli 'klɩ. 'A ‑kanyɩ 'nyie, nyɔɔ ‑kanyɩ 'pa 'amɩ 'cɩ.