Popular Bible Verses from Ɛfɛsënyüü 6

Share

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

'Ba bibie Nyɔsʋa 'taɩn a 'fɩɔ 'lɩ. Wiili kä 'fɩɔ 'a ‑waa', i 'a 'bataa', 'ba ‑gbala 'ia 'fɩɔ Nyɔsʋa, ‑maa abɩa 'Ɔa ‑Susu ji 'amɩ ‑gba. 'Anyɩ sɩa, 'ba nʋ 'imɩa 'doo, 'kä 'a bibie nyɔsʋaanyüüa 'fɩɔa 'wli 'lɩ.

'Ba fa Nyɔsʋaa tafudiia 'fɩɔ, Sataan ma ji 'amɩ ‑trɔɔrɔ, 'amä 'wʋsɔɔrɔ.

'A 'ia ‑gʋ, 'ba dɔrɔ Nyɔsʋaa tafudiia 'fɩɔwʋ 'amä nyɔnyrɔ bʋbɔsrɩa 'taɩn 'lɩ, 'amä 'nyüglökʋ jre, 'be 'a tritri 'anya 'tɔ bɩarafa 'wʋ.

'Ia 'fɩɔlʋa 'wliklɩ nɩ, 'ba ‑tʋ 'lɩ nyɔsʋaplɛtorokʋ ‑beere 'ana tafudɛɛlɛ kakaa' dii 'klɩ. 'Ɛɛ 'a nëmä nʋ ‑bɛ 'amä Plɛbʋbɔsusu a ‑pruuulu 'pütöa' 'nyrɔlɔ. 'Ba dɔrɔ bɩa 'lɩmlɩwʋwʋkʋ 'wʋ ‑beere tafuwlugbö, 'kä 'a dɔrɔ Nyɔsʋaa ‑Susua ‑jɛrɛ 'wʋ, ɛ bäa' nyɔsʋaawii.

'Ii känyrɩ 'ba ‑sɔɔrɔwʋ: 'ba wlo 'cɩcasa 'ana ‑fualɩ ‑beere ‑pɛɛtʋ; 'ba pa 'klɩgägäkʋ 'lɩ ‑beere tafukotu. 'Ba pa ‑si 'lɩ ‑beere 'Mʋfagogolä ‑nyɛɛa' 'wlinönrökʋ, 'be 'ää ‑ëlere 'amɩ.

'Na ‑wlajü 'amɩ ‑jäsɩ 'n blöa' nɩ: 'ba 'batra 'ana 'klü 'Pläkänyɔɔ 'lɩ, 'kä 'a 'batra 'üün 'ɔa 'klü kpakü 'lɩ.

« ‑Träärälɩ ‑na tʋ nyra ‑na 'yio,» 'iibä Nyɔsʋaa 'klɩsa ‑dɔ. 'Ua dɛrɩ bä dɛɛlɛ Nyɔsʋa 'daaa' 'ɔmäa' nʋ: « ‑Mä ‑jɔrʋ nyra ‑wɩaraklä 'jä ‑pɩ ‑tʋtʋ ‑gälɩ .»

'Jüjie 'amɩ, 'ba ‑träärälɩ 'ana tʋɩɩ; 'ii 'Pläkänyɔɔ 'bata. 'Be 'ii 'na.