Popular Bible Verses from Akëtë 1

Share

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»

'Ɔnya ‑gbala 'üün ‑maa: «'Ia 'taɩn a jejrekʋ 'nyɩ 'amɩ ‑gba ‑a kälä; Tʋa 'doo ‑tʋ 'lɩ 'taɩnlɩ.

‑Jäsɩ 'ɔ ‑gbala 'üün 'taɩn 'lɩ 'ɔ nyra 'üün bä ɩa' ‑pɩɔ 'doo 'wʋ nɩ: «'Anyɩ sɔ Jerusalɛɛmë, 'ba ‑glaaa dɛɛlɛ Tʋ 'daaa' 'ɔmäa' 'amɩ ‑nyɩ, dɛɛlɛ kä ‑gä 'n ‑gbala käa' 'amɩ. 'Nɩ Jaan ma nö ‑bɛ 'ɔ ma 'paa nyüü 'nɩwli, ‑maa jrüü jiea 'mlɩ nɩ, Nyɔsʋa nya 'amɩ 'Nyüna ‑Susu 'wlipaa.»

'Ɔ sɔa' ‑sʋɩ 'lɩ nɩ, 'a 'üü 'ɔ srara 'ɔa 'lɩbäa nɔ. 'Ɔnya srara 'üün dii 'kɔkɔmlɛ 'ümä 'saa jre 'sɩrɩ 'ɔnya 'a 'kuaabre sɔ. 'Ünya 'jä 'ɔmɩ jrüüa ‑glʋɩsɔɔ, 'ɔnya 'saralɩ 'üün Nyɔsʋaa 'kamapläa ‑gä.

'Ɔ bɩaa' wii 'papakʋ nɩ, 'ü tɛ 'ɔɔn 'klɩ, 'ɔnya 'jrara cɛa 'mlɩ. Cɛ 'lɩa ‑gbru nya ‑sisie 'ɔmɩ, 'ü ‑kanyɩ 'jä 'ɔɔn 'wʋ ‑a.

'Ɔ mö ‑bɛ 'ü tɛ cɛ 'lɩ tee. 'Ümä 'saa nʋkalɩ mi nɩ, nyüü 'sɔɔ 'tɔrɔ 'üa ‑gba. 'Ü pa 'tasɩrɩa 'pɔlɔ dii 'lɩ. 'Ünya ‑gbala nyüülü tɛ ɩa' cɛ 'lɩ: «Galileenyüü, dɛplɛɛ kä ‑gʋ 'a kʋ ‑plɩɩ ‑bɛ 'a ‑pʋpɔ cɛ 'lɩ le? Jesulɔ Nyɔsʋa 'baa' 'ana ‑tɔrʋpɩɔ ɔ mia' cɛ 'lɩ nɩ, 'sɩrɩ 'a 'jäa' 'ɔɔn ‑bɛ 'ɔ 'jraa' cɛ 'lɩ nɩ, 'asɩ 'ɔmä dɛrɩblöö.»