Popular Bible Verses from Rome 14

Share

Xoozze ka7itumo Geeshi Ayyaanara benttize xillotetsi, sarotitsin turii ufayssap attin muuze bazin uzhize bazi baaya. Yinnii gaar Kiristtoosas oochchize asi Xooz ufayssane; as giddan anjjinttane.

Nu de7or yeziko Laatstsis yessada; mahi hyayqqikon Laatstsis hyayqqoda. Yikke, nu de7or yezin woy hyayqqikon Laatstsis.

Yinnii gisho, ane nuunii sarotitsi benttize ogen fete fetaya ammanora mintsize oge koyote.

Yinnii gisho, nuunii fetay fetaylla afa firddizanno ashshote. Yezin yin ishaya dhubutsaame fana woy qaxxaame fana naaginttote.

Geeshi Maxaafite Laatstsii, «Taanii de7o; asi ubba ta tiino bunqqinttoda; taanii Xooz maaqqizanno markkidhoda» yagayda. Yikke, nu oochchide bazitis nu ommite ommite Xooz tiino shiiqii mahe inggoda.

Ammanora labbide oonan shiishii ekkotep attin E qoftilla afa firddippete.

Melle as arolla firddize ne oode? E labbin woy miinggin E Laatstse erane. Laatstsii eza essodes dandda7ize gisho E miinggi eqqoda.