Popular Bible Verses from Maatoosa 27

Share

Uddufun saate maaqqize wode Yesuusa, «Elohee, Elohee, laama sabaqitani?» ga7i damma uufo uukkida. «Elohee, Elohee, laama sabaqitani?» gaazanni bilitsita «Ta Xoozzayo, ta Xoozzayo, tana akkos ashshido?» ga7e.

Yinna saate Xoozze keetstsa suxunttide magaraajjita wookkappa yeekka yellodes lam77i kezii, feedhinttida. Sa7ita en7ida, lallan za77ida. Booza bugunttin geeshi asuntsappa gaamuntsi hyayqoppa denddida.

Yesuusa lam7intsa damma uufo uukki, hyayqqida.

Mato hyalaqizen eera Yesuusa naagize wottadaruntsi sa7a en7idanno ize hyanidanno bi7ide wode gaama zhashtii «Turo hyay Xoozze Na7a» yagayda.

Izippun saateppa hyanggi, uddufun saate yellodes sa7ita ubba dhumida.

Philaaxoosa, «Yeezin, Yesuusa gaaze Kiristtoosa wayssa?» yaga7i unttana oocida. Ubbuntsin, «Masqalalla eza suxxo» yagayda. Philaaxoosa asuntsago, «Akkos? E akko iita baz oochchido?» yaga7i oocida. Yezin asuntsi tiinostippa aatsii, «Masqalalla suxxo» ga7i uukkida.