Popular Bible Verses from Nipadar 1

Share

Si Uunuren a Dios, a sya ket Makapangyayadi' ya sa sarba tan sya anaod ket main ya sawanin, main yayna sin saytaw et sin tarana', tan main ya anggan-angga wana, “Si'ko a mansabtan nin Alpha tan Omega.”

Si'ko yay Si Lawas a Sibibyay. Mataman nin pinati ako, sinmubli' akoynaod nin mabyay anggan-angga. Si'ko a main nin pakayadi' sa patiti tan main nin pakayadi' nin abryan o isada' yay lugar ran nati ana.

Makarma' yay mamasa konran raruma sa naipadles nin naisurat iti tan makarma' saraynamaet a makarnge' tan tumulok sa nibarita' bana' ta sa ambo' ana nin ma'teng ket matukid ana.

Sin na'kit koya, bara'mo akon nati nin nilukbob sa adapan na. Bale' niga'get naya a wanan nin gamet na kongko mi'sa wana, “Andi' ka nin mali'mo bana' ta si'koyti si tarana' tan si kala'pusan nin sarba.

Ket tandaen moyoyti: Rumate' ya si Jesu-Cristo nin iti ya sa gunem. Ket sarba ran tutawo ma'kit raya. Pati saraytaw saray namapasak kona, ma'kit raya li'. Ket sarba ran tutawo sa mundo, bana' kona, mangabet-abet sara li' sa bereng ra. Peteg a wanin ana li' a mangyadi'.