Popular Bible Verses from Ntandiko 49

Share

Mwi̱gho ghwa bukama taghu̱li̱lu̱gha mu ka ya Yu̱da, na baasukulu baawe balabaagha balemi̱ bilo nʼebilo. Bantu baa mu ntu̱la sinji balakuleetelagha bisembo kandi balakugombelagha kukutaamu ki̱ti̱i̱ni̱sa.

“Yojeefu̱ ali nga kiti kya mujaabbi̱i̱bbu̱, kiti ekili haa kyambu. Kikwanaghamu bi̱ghu̱ma bikani̱ye, bitai byakiyo bi̱ku̱ni̱i̱nagha haa kisiika. Bananji̱ghu̱wa be balimwegimba basaakaaye, bamubhasuulile bimala, bamu̱bu̱li̱ye bu̱si̱nge.

Bhaatu aakale anali wamaani̱, mikono yee yaakala enagu̱mi̱ye, nanga Luhanga wa Bu̱toki̱ Bwona wa Yakobbo, Mu̱li̱i̱si̱ya kandi Mu̱li̱ndi̱ wa I̱saaleeli̱, aliikala amukwatiliiye. Nanga niiye Luhanga wa so waawe oghu alakukoonelagha. Nanga niiye Luhanga wa Bu̱toki̱ Bwona oghu alakuhaagha mu̱gi̱sa, mu̱gi̱sa ghwa mu eghulu, mu̱gi̱sa mu etaka lyawe, mu̱gi̱sa ghwa lu̱byalo lwawe na lwa bisolo byawe.

“Yu̱da, baghenji̱ baawe balaku̱ku̱ghi̱jagha. Olasi̱ngu̱lagha bananji̱ghu̱wa baawe, na baghenji̱ baawe balateeli̱yagha mu maaso ghaawe. Yu̱da, oli nga ntale eeti̱ye kisolo. Ekaakuukutagha elangaala yeenanula, taaliyo oghu akugubha kughitalabani̱ja.

“Uwe Leu̱bbeeni̱, niiwe mu̱li̱ghaaso ghwanje, maani̱ ghanje, kaakulolelʼo kaa maani̱ ghanje, wa ki̱ti̱i̱ni̱sa kandi wamaani̱ mu baana banje boona. Bhaatu waaghu̱lu̱ki̱ye mutaano ghwawe nga maasi ghaasuuye. Toolitodha kuba na ki̱ti̱i̱ni̱sa, nanga waahali̱i̱ye ku̱ni̱i̱na haa bulili bwa so waawe, waalaala na mukali̱ wee.