Popular Bible Verses from Ku̱lu̱gha 20

Share

Aaghila ati, “Ni̱i̱si̱ye MUKAMA Luhanga waawe, oghu akakuuya mu nsi ya Mi̱si̱li̱ hambali waabaagha mu̱syana. “Otaliba na baaluhanga banji kuuyʼo si̱ye.

“Otalyekolela kisasani̱ kya mulingo ghwona, eki̱su̱si̱ye kintu kyona ekili mu mwanya, hansi, kedha mu maasi. Otali̱bi̱teeleli̱ya kedha kubilami̱ya, nanga si̱ye MUKAMA Luhanga waawe, ndi Luhanga wʼetima. Nkufubilagha baana haabwa bibhi bya beesebo ku̱hi̱ka haa buusukulu bwakasatu na bwakanaa bwa mujo ghwa bantu abanjoi̱ye.

“Ohu̱ti̱yaghe so waawe na njoko waawe, niikuwo omale bwile bukani̱ye mu nsi eghi MUKAMA Luhanga waawe akukuha.

“Oosukaghe kilo kya Sabhato kandi okilinde kili ki̱hi̱ki̱li̱i̱ye.

“Otalilahila busa li̱i̱na lya MUKAMA Luhanga waawe, nanga MUKAMA akufubila weena oghu aku̱koleesi̱ya kubhi li̱i̱na liye.

Oli na bilo mukaagha bya kukola milimo yaawe yoona, bhaatu kilo kyamusanju̱ ni kilo kya Sabhato kya MUKAMA Luhanga waawe. Otalikola mulimo ghwona haa kilo eki, uwe kedha mutabani̱ waawe kedha muhala waawe, mu̱heeleli̱ya waawe wabusaasa kedha wabukali̱, bisolo byawe, kedha munamahanga oghu aakaaye naawe.

“Otalyeghomba numba ya muliilanuwa waawe. Otalyeghomba mukali̱ wa muliilanuwa waawe, kedha mu̱heeleli̱ya wee wabukali̱ kedha wabusaasa, nte yee kedha ndogooi̱ yee, kedha kintu kyona kya muliilanuwa waawe.”

“Otalihabi̱i̱li̱li̱ya muliilanuwa waawe.

“Otali̱syana.

“Otaliita.

“Otaliibha.