Popular Bible Verses from Rōm 2

O nang miring, tūkareng mi chunga rui arilpū, nang um amāni ang dēna om athō kēng nā ni. Pathian ruirilna nātā nang um azōk ranga nā'n iam mo? Hanūk chu ama a lungkhamna, a dūkdiarna le a phūkanchuolna ngāi ha poisakluia nei om mo? Asik chu Pathian lungkhamna chu ansīrna tianga kēng ei ruoi tī hi riat mak che mo?

Hasikhan, o nang miring, mi chunga rui aril chachak pū, nōntāk apēkruo dōn mak chē. Asik chu mi chunga rui nei ril anga na chungā'm āsia anlō kēng nā ni zei. Asik chu nang rui arilpū hān hantin han om nei thō sika a ni.

Asik chu Pathianin a mimandang dōn mak.

Asik chu dānbū anngāi duoia hin Pathian mitmūna ādik anlō thei ngāi mak. Tenchu dān ang taka azīna om āthō ngāi kēng ādik ei ānlō thei u.

Asik chu, “Pathianin mitin a sinthō ang chipa ei lō chu hong pēk in ti.”

Tenchu mī senkhat chu amāni rang duoia āval a om a. Chongtak chu zī luia ādik nōk kēng ei zī u chachak. Amāni ngāi chunga Pathian taksitna lē lungsitna chu hong tung in ti.

Tenchu atuna malung ankhirtita ansīr luia nei la om sika Pathian taksitna nikhuo tika ranga tak asī kēng na ranga na lei mantīng u a ni zei. Hava nikhuo tika Pathian a ruirilnadik chu amā'n hong manlang in ti.