Popular Bible Verses from Anthokna 9

Share

Tenchu nanga kei rātna kei manlang theina rang lē phil pumpuia ka raming ei ānpuong theina rang sika hin dingmun ansānga kei na siak a ni.

Hatuka Zehova'n Mōsi a kōma, “Faro kōma sē tānla, ama rang va ril ro, ‘Zehova, Hebrāi mi ngāi Pathianin hintin hin a ti: “Ka dorbō ei ādom thei una rang, ka mi ngāi mansē ro.

Atun chu ka kut ka lei hong phar a, nang lē na mi ngāi ripui le ka lei razīk anten, hi phil chung ātā antuka anpei zei u na ti.

Entā, khonōma na ranvāi ngāi chunga, sakor ngāi chunga, sakuorpar ngāi chunga, mākingkang ngāi chunga, sarātruol chunga lē beraruol ngāi chunga, Zehova'n a kut hong thāk in ti. Ripui ana sabak hong chul in ti. Zehova'n Israel ngāi ranruol lē Āiguptā ngāi ranruol kāra anteina hong sin in ti. Hasikhan Israel nāi ngāi tā chu ītē thi nō ni,” ’ ” a tī na.

Entā, nangtūk hiva hun dāma arial hong masul sabak ka ting, Āiguptā ansiang len ātā atun tenpeia hiva ang hi la ni ngāi mak a. Hasikhan mī tīr tānla khonōma na ranruol lē nei dōn ngāi dōra mankhōm kiar ro. Asik chu tuolpanga āom mitin chunga lē ran tin ngāi chunga arial hong chul in ti, hatuka ina a hong ānchōi nōk ngāi chu thi u'n ti,” ’ ” a tī na.

Hava ha Āiguptā pumpuia philvut hong chang in ti, hava han sakhuoi hong man-om in ti, Āigupta ram pumpuia mī lē ran ngāi chu sakhuoi anāi adōn tong u'n tī na,” a tī na. Hatuka amānī'n ratapa ravut a lāk u na, Faro makunga a vā'n ding u na, Mōsī'n anvān tiang a thek a. Hava hān miring lē ran chunga sakhuoi anāi adōn a hong āntong a ni.