Popular Bible Verses from Anthokna 6

Share

Hasikhan Israel nāi ngāi kōma ti ro: ‘Koi hi Zehova kā ni. Āiguptā ngāi puokrik thuoi ātā na hong rasuo u ka ting, a suok u nātā na mazōk u ka ting. Ka bān rātna lē ruirilna lianpā ngāi le han na ratan u ka ting.

Ka mīna lāk u ka ting, na Pathian u ni ka ting. Hatuka Āiguptā ngāi puokrik thuoi ātā a na hong ātuong u Zehova na Pathian u kā ni, tīna hong riat u na ti.

Abraham, Isak lē Zakob ngāi kōma kei tin ram āpēk ranga han, na hong ruoi u ka ting. Na chang-āi u anga hiva hi na pēk u ka ting. Koi hi Zehova kā ni,’ ” a tī na. Hankēng Mōsī'n Israel nāi ngāi kōma hava anga a va ril a. Tenchu malung angūina le suoka om antakna sika, amānī'n Mōsi a chong chu lei poisakpē u mak a.

Hatuka Zehova'n Mōsi a kōma, “Atun chu Faro chunga kei thō rang mu na ti. Asik chu kut rāttak le han amāni chu mansē in ti, kut rāttak le han a ram ātā amāni chu razūl in ti,” a tī na.