Popular Bible Verses from PHILIPPIANUN 4

Share

Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.

Kuhya ewh oopezaunewawin owh Kesha‐Muhnedoo, ewh ahweyah katanesittootunsigoobun, kegahguhnuhwane-megoonahwah emuh kedaëwaung kuhya emuh kedenanduhmoowinewaung oonje owh Christ Jesus.

Ishquauj, nejekewaëdoog, wagoodoogwanun enewh uhyeëen duhyabwamahgukkin, wagoodoogwanun enewh uhyeëen quuhyuk‐azhewabukkin, wagoodoogwanun enewh uhyeëen manwandahgwukkin, wagoodoogwanun enewh uhyeëen pahnukkin, wagoodoogwanun enewh uhyeëen manwahbuhmenahgwukkin, wagoodoogwanun enewh uhyeëen manoo‐duhzhinjegahdagin; kishpin duhgoomahgudoogwan menoo‐ezhewabezewin, kishpin duhgoomahgudoogwan wahwezhanduhmoowin, me suh enewh kanuhnahgahdahwanduhmag.

Nekushketoonun ahnooj gagoo cheëzhechegayaun oonje owh Christ mashkahwanduhmooïd.

Moojegezetuhwik moonzhug owh Tabaningad: menuhwah dush nindekid, Moojegezeyook.

Nekesha‐Muhnedoom suh kegahmeenegoowah kuhkenuh ahnooj gagoo manazeyagoon debishkoo ashenudenig oowahnuhdezewin emuh peshegandahgoozewining emuh Christ Jesusing.

Enewh uhyeëen, kahkekenooähmoonenuhgoogin kuhya kahoodahpenuhmahweyagoon kuhya kahenittahweyagoon kuhya kahwahbunduhmahweyagoon ezhechegayook; kegahweejewegoowah dush owh Kesha‐Muhnedoo mahgewad ewh pezaunewawin.

Mahnoo kuhkenuh enenewug oogahkekandahnahwah kebakah‐bemahdezewinewah. Pashoo peähyah owh Tabaningad.

Ninkekandaun muh kaëzheähgahsandahgooëgooyaun, kuhya nekekandaun kaëzhewahnuhdezeyaun: mezewa kuhya emuh kuhkenuh uhyeëeng nindezhekekenooähmahgoo chetabesineyaun kuhya chepuhkuddayaun, chewahnuhdezeyaun kuhya chemuhnazeyaun.

Kahween nindekedoose gagoo kemuhnazeyaun: ningeëzhekekenooähmahgoo muh nuhmunj azhewabezewaunan, chetabuhganemooyaun.