Popular Bible Verses from ST. MARK 13

Share

Kegahsheenganemegoowaug kuhkenuh bamahdezejig nindezhenekahzoowin oonje; owh dush kaäungwahmezid peenish egoo ishquah‐ahyahnig oonoo, mesuh owh kabemahjeïnd.

Aungwahmezeyook, ahkahwahbeyook kuhya ahnuhmeähyook; kah muh kekekanduhsenahwah uhpe katebishkoosagwan.

Uhpe dush ezheweenenagwah kuhya puggedenenagwah, kagoo kezhah nahnahgahdahwandunkagoon ewh kaëkedooyag, kagoo kuhya kezhah nundahkekandunkagoon: wagoodoogwan dush kameenegoowagwan ewh uhpe cheëkedooyag, mesuh kaëkedooyag: kahween kenuhwah kegahkekedooseem, me atuh owh Pahnezid Oojechaug.

Ewh kezhik kuhya ewh uhkee tahishquahsawun; neen dush ween nindekedoowinun kahween tahishquahsasenoon.

Uhpe dush kadebishkoosagwan ewh kezhik kuhya kaähpeech‐kezhegudoogwan kahween ahweyah enene ookedanduhseen, kah kuhnuhga egewh angenug keche‐kezhegoong ayahjig, kah kuhya owh Wagwissemind, Wayoosemind suh atuh.

Uhpe dush noonduhmag ewh wemegahding kuhya cheduhzhinjegahdag megahdewinun, kagoo megooshkahdandunkagoon: enandahgwud muh cheëzhewabuk; kah dush ween goo muhshe tahishquahsasenoon.

Benuh dush, ahkahwahbeyook: kah muh kekekanduhsenahwah uhpe katuhgwishing owh wawegewaumid, wanahgooshenenig, gamuh ahbetah‐tebekudenig, gamuh uhpe noondahgoozid owh nahba‐pahkahahqua, gamuh kakezhabahwahgudenig: Mahgeshah chasekah tuhgwishing kegahmekahgoowah nebahyag. Ewh suh anenahgoog me nahsaub enugwah kuhkenuh, Ahkahwahbeyook.

Tahnundoobunekundahdewug papukkaun azheweenzoojig ahnishenahbag, kuhya oogemahwewinun tahnuhnundoobunekundahdemahgudoon: kuhya minzeewa tahcheen-gookummegah, kuhya tahpuhkuddakummegah, kuhya sunnuggezewinun, tahdahgoomahgudoon: mesuh oonoo kaöonje‐mahje‐nuhneenuhwandahkummeguk.

Enahkoonegam suh goo ween ewh minwahjemoowin chedebahjemootahwindwah kuhkenuh ahnooj azheweenzoojig ahnishenahbag chepwah oo‐oo ezhewabuk.

Nebewah gooshuh tahpetuhgwishenoog emuh nindezhenekahzoowining, tahekedoowug dush, Neen suh nindow owh Christ; oogahwuhyazhemahwaun dush nebewah.

Aungwahmezeyook dush; kegahezhepuhgedenegoom gooshah emuh anduhzhe‐kahkekedoong; kuhya emuh ahmuhmeä‐weguhmigoong, kegahpuhzhunzhaöogoom, kuhya kegahnebuhwim emuh enahsuhmuhbewaud keche‐oogemaug kuhya tebahkoonega‐wenenewug neen oonje, chedebahjemootahwagwah

Tahpetuhgwishenoog gooshah egewh wuhyazhinga‐Christug kuhya wuhyazhinga‐aunwahjega‐wenenewug, oogahwahbundahewanahwah enewh kekenoowahjechegunun kuhya mahmaundahwejegunun, chewuhyazhemahwaud, kishpin goo kushketoongebun, enewh kagegeninjin.

Uhpe dush ween puhguhmeähyaug oonoo kezheguddoon, uhpe oo‐oo keëzhemegooshkahduhkummegaug, tahtebikahbuhmenahgooze owh kezhike‐kezis, kuhya tebike‐kezis tahishquahyahsega. Kuhya egewh kezhegoong duhshe ahnungoog tahpungeshenoog, kuhya kezhegoong duhshe kushkeäwewezewinun tahnuhningishkahmuhgudoon.