Popular Bible Verses from ST. MARK 10

Share

Pooch muh owh Enene oogwissun kahween kepeöonje‐ezhahse chebuhmeetahwind, me atuh chebuhmeetahgad, kuhya chemeegewad ewh oobemahdezewin nebewah chebemahjeïndwah.

Jesus dush guhnuhwahbuhmaud, oo‐oo ekedoo, Egewh enenewug kahween tahkushkeöosewug, owh dush ween Kesha‐Muhnedoo kahween oopwahnuhwetooseen, kuhkenuh ahnooj gagoo ookushketoon Kesha‐Muhnedoo

Jesus dush oo‐oo oogeënaun, Mahjaun; kenoojemooëgoon ewh kedabwayanduhmoowin. Kazhetena dush kewahbe, oogenoopenuhnaun dush enewh Jesusun emuh meekunaung.

Benuh dush kahmahmoowesettoojin Kesha‐Muhnedoo, kahween owh enene oogahpuhkawetooseen.

Uhpe dush Jesus wuhyahbuhmaud oogesahgeäun, oo‐oo dush oogeënaun, Pazhik suh kayahbe kenoondashkaun: mahjaun, ahtahwagan kuhkenuh enewh ketebenuhwawezewinun, meezh edush egewh katemahgezejig, kegahahyaun dush ewh tebenuhwawezewin ewede keche‐kezhegoong; peëzhaun dush, oodahpin ewh ahzhedayahtik, kuhya dush noopenuhzheshin.

Jesus dush oogenuhquatuhwaun, oo‐oo keënaud, Wagoonan nanduhwanduhmun chedoodoonaunbaun? Owh dush kakepeengwad oo‐oo oogeënaun, Rabouni, ewh suh chewahbeyaunbaun.

Kah suh dush kenuhwah oo‐oo kegahezhewabezeseem: ahwagwan kenuhwah anduhcheyag nanduhwanduhmoogwan chekechetwahwandahgoozid, mahnoo kegahbuhmeetahgoowah

Kagate kedenenim, Ahwagwan ahbenoojeïng kaezheöodahpenunsegwan ewh oodoogemahwewin owh Kesha‐Muhnedoo, kahween tahpeendegase emuh.

Nebewah dush nahgaunandahgoozejig tahishquayandahgoozewug; kuhya egewh ashquayandahgoozejig tahnegaunandahgoozewug.

Wahyashkud dush wazhechegahdag ewh uhkee owh Kesha‐Muhnedoo oogeöozheäun enewh enenewun kuhya enewh equawun. Mesuh dush owh enene kaöonjenuhguhnaud enewh oosun kuhya enewh oogeen, cheminjemenaud edush enewh wewun; Ahnoo dush neezhewaud tahpazhigwunene ooweyausewah: kah muh kayahbe neezhesewug, tahpazhigwunene suh goo ooweyausewah.