Popular Bible Verses from ST. MARK 1

Share

Kache‐kuhkezhabahwahgudenig dush, chepwah wahbunenig kekooshkoose, emuh buhgwuhduhkumig keëzhah ewede dush keduhzhe‐ahnuhmeäh.

Oo‐oo dush keëkedood, Zhuhyegwah debiskkoosa, kuhya dush pashoo peähyahmahgud Kesha‐Muhnedoo oodoogemahwewin: aunwanindezooyook, kuhya dabwayanduhmook ewh minwahjemoowin.

Kazhetin dush nebeeng keoonje‐ahgwahtaud oogewahbundaun kezhik chepahkahkoosing, kuhya enewh oojechaugwun debishkoo keche‐oomemeeng chepoonenid emuh weyowing: Kuhya ewh inwawin kezhegoong keoonzetahgwuk, oo‐oo këekedoomahguk, Keen suh kedow ningwis suhyahgeënaun: mesuh keen kache‐minwanemenaun.

Neen suh kegebaptizoowenenim emuh nebeeng: ween dush kegahbaptizooëgoowah emuh Keche‐Oojechaugoong.

Jesus dush oo‐oo keënaud, Howh! noopenuhzheshig, kegahenahkoonenim dush cheahgwahbenagwah egewh enenewug. Kazhetena dush kenuhguhnahwaud oodahgwahbenahgunewaun, kenoopenuhnahwaud dush.

Oogemahmahkahdandahnahwah dush ewh ookuhgequawin: kashkeäwezid eneneeng muh keëzhekuhgequa, kah dush debishkoo egewh oozhebeëga‐wenenewug.