Popular Bible Verses from St Matthew 2

Share

Uhpe dush kahpeendegawaud emuh wegewauming, oogewahbuhmahwaun enewh ahbenoojeün emuh ahyahnid kuhya oogeene Maryun, keöojecheengwasawug kuhya keshahgushketahwahwaud. Uhpe dush kahkedenuhmoowaud ooduhyeemewaun, oogemeenahwaun enewh meegewawenun, oozahwe‐shooneyah kuhya menoo‐mahgoojegunun.

Uhpe dush kahnegid owh Jesus emuh Bethleheming Judeaing anduhgoog enewh kezhegudoon kekeche‐oogemahwid owh Herod, benuh ketuhgwishenoog nebwahkah‐wenenewug emuh Jerusaleming, wahbunoong kepeöonjebahwaud. Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

Uhpe dush kahwahbuhmahwaud enewh ahnungoon, kemoojegezewug emuh keche‐moojegezewining.

Emuh enahbunduhmoowening keöonjeähyahwangwahmemegoowaud enewh Kesha‐Muhnedoon nayaub chenaunzekahwahsegwah enewh Herodun, ningooje enuhkuhkayah keëneëzhekewawug ewh anduhnuhkewaud. Uhpe kahmahjahwaud, enuh owh Joseph oogenahgoozetahgoon enewh oodangenemun owh Jehovah emuh enahbunduhmoowening akedoonid, Oonishkaun kuhya oodahpen owh ahbenooje kuhya enewh oogeen, ewede dush Egypting ezhenezhemoon, medush ewede kaduhnezeyun peenish egoo petahjemootoonaun: owh muh Herod oogahnundoonawaun enewh ahbenoojeün wenesaud.