Popular Bible Verses from GENESIS 32

Share

Oo‐oo dush keëkedoo, Kahween kayahbe Jacob kegahezhenekahzoose, Israel suh kegahezhenekauz; debishkoo mah keche‐oogemaung kedezhekushkeäwiz anahsuhmid Kesha‐Muhnedoo kuhya anahsuhmewaud enenewug, kuhya kegemahmauzheëwa.

Oo‐oo dush keëkedoo owh enene, Puhgedeneshin, ahzhegwah mah petahbun. Oo‐oo dush oogeëgoon enewh, Kahween kegahpuggedenesenoon, bahmah atuh keshahwanemeyun.

¶ Jacob dush kenuhguhnah nezheka; oogekuhgwajewahnegoon dush pazhik enenewun nahnauzh kepetahbunenig.

Jacob dush Peniel oogeëzhenekahdaun ewh uhkee: ningemechewahbuhmah mah Kesha‐Muhnedoo, kayahba dush ninbemahdiz.

Uhpe dush owh wahyahbundung kemahmauzheähsig Jacobun, oogetaungenuhmahwaun oobwaumene; keähchahoosa dush Jacob, magwah kuhgwajewahnegood.

Oo‐oo dush oogeënaun, Ahneen azhenekahzooyun? Oo‐oo dush oogeëgoon, Jacob suh.

Jacob dush oogekuhgwajemaun oo‐oo keënaud, Weenduhmooweshin azhenekahzooyun kepahgoosanemin. Oo‐oo dush oogeëgoon, Wagoonash wanjekuhgwajemeyun nindezhenekahzoowin? Oogeshahwanemegoon dush emuh.

Kahween netaähpeetandahgoozese kuhnuhga punge cheshahwanemeyumbun, kuhya kahezhedabwayun gagoo kewahweenduhmahwud kebuhmeetahgun; nesuhkuhoon suh atuh tahkoonuhmaun ningeähzhahwuhaun maunduh seebe Jordan; noongoom dush neneezhoodawiz.

Mesuh Israel oonejahnissun wanjemeejesigwah ewh oojeetudahmah kahoodahpishkaug, emuh oobwaumemaung atag, nahnauzh noongoom kezheguk: oonje ketaungenuhmahwaud Jacobun oobwaumene emuh oojeetudahmaung kahoodahpishkaug.

¶ Jacob dush oo‐oo keëkedoo, Oh Kesha‐Muhnedoo waKesha‐Muhnedoowemik noosebun Abraham, kuhya waKesha‐Muhnedoowemik noos Isaac, owh Jehovah oo‐oo kahezhid, Ezhekewan emuh keduhkeeming, kuhya anduhnuhkeewaud kedenuhwamahgunug, kegahmenoo‐doodoon dush

Bemahjeëshin kepuhgoosanemin, chenesegoosewaun nekahnis ooneenj, ooneenj owh Esau: nekoosah mah, koonemah ningahpenesig, kuhya enewh equawun kuhya enewh oonejahnesene.