Popular Bible Verses from Kitaaba Faaru'uu 51

Share

Ee Waaqa, gadhaa qulluu naa dadi; ayyaana haareya hin jijjiiranne naa kenni.

Gammada fayyisiisa keeti irraa dhufu san, adde'etti naaf deebisi; akka si'iif ajajamu na qarqaar.

Fuula keeti duraa na hin fageessin; Ayyaana keeti Woyyichalle na irraa hin fudhatin.

Ciincaan Waaqaaf dhikaattu yaada gad jedhe; ee Waaqa, ati yaada gad jedhee, cubbuu irraa deebi'u hin tuffattu.

Ee Waaqa, sababa jaalala keeti ka bara baraatiif, na marari. Sababa gadhi-laafummaa teeti guddo'ootiif, yakkaa tiyya haxowii balleessi. Yakkaa tiyya mara dhiqii balleessi; cubbuu tiyya irraa na qulqulleessi.

Baala hisoophiitiin fiffixiitii, cubbuu irraa na qulqulleessi; anille hin qulqullowa; na dhiqi; anille dhakaa roobaa caalaa hin addaadha.

Ani si irratti ka'ee, si qofa yakkee, waan hantuu si duratti godhe. Tanaaf dubbiin ati na irratti dubbatte dhuga'a; muraan ati natti murtelle haqa.