Popular Bible Verses from Kitaaba Faaru'uu 40

Share

Ani ossaan Mootii Waan Maraa eegadhe; innille gara kiyya deebi'ee iyya tiyya dhage'e. Inni boolla caffa'aa, linxixxoo dhoqqe'ee keessaa na baase. Inni miila kiyya rassaa irra dhaabbachiisee, addee jadduu ani ideemu naa kenne.

Inni faaruu haareya leellisa Waaqa keennaa afaan kiyya keessa keye. Worri hedduun tana dhagganee isa sodaatanee, Mootii Waan Maraatitti addatan.

Nami Mootii Waan Maraatitti addatu, gara worra koorameeyyi'iitii fi, dharaameyyi'ii deebi'iisaan ka itti hin addanne, ka gammade.

Waaqa kiyya, ani fedhii teeti muummessuu halcha; seerri keeti gadhaa kiyya keessa jira» jedhe.

Ee Mootii Waan Maraa, ati marartii teeti na hin dhooggatin; jaalalli keeti ka bara baraatii fi addatamummaan teeti yennaa mara na eeganuu ti.