Popular Bible Verses from Kitaaba Faaru'uu 37

Share

Mootii Waan Maraatitti gammadi; inni halchaa gadhaa keetii si'iif hin kenna.

Karaa keeti Mootii Waan Maraatitti kennadhu; isa addadhu; innille si'iif hin milkeessa.

Mootii Waan Maraa duratti cadhisiitii, ossaan isa eeggadhu; worra hamaaleyyii yaad hamaan isaanii toleef itti hin aarin.

Mootii Waan Maraatitti addadhuu waan dansaa godhi; biyya keessa nageyaan le'i.

Mootiin Waan Maraa karaa namaatitti yennaa gammade, karaa isaaf akeekee, ijjata isaa jabeessa. Mootiin Waan Maraa harka ifiitiin isa waan qabuuf, yoo gufatelle hin jigu.

Inni balchummaa teeti akka ifaa, haqa haajaa keetii akka aduu saafowaa hin godha.

Aarii irraa ifi dhooggi; mufii irraa deebi'i. Aariin gara hammeennaa qofa si geessitii, hin aarin.

Ani dur dargageessa; amma dulloomeera; ani Mootiin Waan Maraa nama balchaa gateeruun, yookiin ijoolleen isaa sagalee kadhattuun ijjumaa dhaggee hin beeku.

Sababa worra hama'aatiif hin aarin; worra cubbuu huju hin hinaafin.