Popular Bible Verses from Kitaaba Fakkeennaa 3

Share

Gadhaa tokkochaan Mootii Waan Maraatitti addadhu; hubantii teetitti hin irkatin. Karaa keeti maraan isa beeki; inni daandii teeti si'iif hin qajeelcha.

«Ani qaro'o!» ifiin hin jedhin; Mootii Waan Maraa sodaadhu; waan hantuu irraa fagaadhu.

Qabeenna keetiin, midhaan keeti mara keessaa mataa kenniisaan, Mootii Waan Maraatiif ulfinna kenni. Achiin duuba gootaraan keeti midhaaniin hin guutama; daadhiin teeti waabaa guutantee irra hin danbalaati.

Mararti'ii fi addatamummaa ijjumaa hin lakkisin; morma keetitti hidhadhu; gadhaa keeti keessatti qabadhu.

Ilma kiyya, qajeelcha Mootii Waan Maraa hin tuffatin; xixicha isaalle hin jibbin. Abbaan ilma itti gammadu akkuma qajeelchu, Mootiin Waan Maraalle nama jaalatu qajeelcha.

Ilma kiyya, waan ani si barsiisu hin dedhin; ajajoota kiyya gadha'atti qabadhu. Isaan guyyoota sii ede'anee, woggoota hedduu si leesisan; qananumma'aa fi nageya sii kennan.

Nami qarummaa dhaggatu, ka hubantii qabu ka gammade. Qarummaan meetii caalaa bu'aa qaddi; worqii caalaalle fayyaddi. Qarummaan dooqa gatii guddo'oo caalaa gatii qaddi; waan ati halchitu keessaa ka isi'iin qixxawu hin jiru.

Worra wonni dansaan malteef, waan dansaa godhiisaaf adoo dandeettuu, waan dansaan godhiisa hin lakkisin.

Mootiin Waan Maraa qarummaa ifiitiin lafa dade; hubantii ifiitiin ol-gubbaa jabeessee dhaabe.