Popular Bible Verses from Etandiha 49

Share

Esimbo yʼowaami siyija huŋwa mu ngalo ya Yuda, oba esimbo yʼobuŋugi ohuŋwa mu ngalo yʼabejuhulu babe, ohwola olu omweneeyo aliija ohuyiŋira oyo oyu baatu bosibosi mu hyalo baligondera.

“Yosefu oja huba hyʼomuzabbibbu ogwamera hu tulo wʼolwabi, oguleremala nʼamasaga gagwo ganiina gasingaho nʼehiteepe. Abalabe babo bahuwaagala nʼobuhambwe owʼamaani, nga ko balasa obusaale nʼehabyo.

Aye waguma wanywanywasa ehisoosa hihyo, olwohuba Omwene Buŋangi, Hatonda wa Yakobbo, Oyo Amulabirira era Ogubaale omu Yisirayiri geŋogoma, Hatonda wa lataawo, gahuyeeda, Hatonda Omwene Buŋangi ahuŋe ekabi, ekabi eja ŋamugulu mwigulu, ekabi ejiŋwa ŋaasi mwiroba, ahuŋe ekabi osaale ekasi nʼesinde era nʼebyayo bibyo bisaalagane.

“Ewe Yuda, abaganda babo baja huhutendanga, banahuhubbirenga amafuha, olwohuba oja huŋangula abalabe babo. Mwana wange Yuda oli musira hyʼepologoma, eyigobola ohuŋwa mu huŋiima. Mwana wange Yuda oli musira hyʼepologoma, njʼani ahusagadula?

“Lubbeeni, ndiiwe namudaayi wange, ndiiwe oweeta amaseere gange, eŋono nʼamaani gago gahira aga bosibosi. Ewe otabuha hyʼamaaji agabanda, sooja huba wʼeŋono olwohuba waniina hu hitanda hya lataawo, hu buliri wange wawonoona, waŋenyuha nʼomuhasi wange.