Popular Bible Verses from ROMANOS 15

Share

Jeꞌ reꞌ kꞌuruꞌ ruꞌum chi chꞌiclic acꞌux tak chiri̱j i kꞌoro̱j ruꞌum i maꞌ Isayi̱yas, reꞌ hin nipahkaj johtok pa niti̱j chiwach i Dios reꞌ xbanic chi wilic awuyuꞌnbal chi chꞌiclic acꞌux tak chiri̱j i Jesus, chi reꞌ ok woꞌ reꞌ yeꞌbok aweh tak jenaj tuklic laj cꞌuxlis chꞌi̱l woꞌ rinimal sukquil laj cꞌuxlis eh chi wilic ok woꞌ awu̱cꞌ tak i rajawric reꞌ yeꞌo̱j ruꞌum i Lokꞌ laj Uxlabal reh chi ru̱cꞌ reꞌreꞌ riman chic enwihꞌic awuyuꞌnbal tak chi chꞌiclic acꞌux tak chiri̱j i Jesus.

Jeꞌ reꞌ ajic ruꞌum chi reꞌ take kꞌoric tzꞌihmbimaj cho najtir kꞌi̱j chipam i Lokꞌ laj Hu̱j reꞌreꞌ xicanabjic cahnok chi tijbal keh, ru̱cꞌ aj woꞌ take kꞌoric reꞌreꞌ kacowej tak kacꞌux chiri̱j i Jesus reh chi maꞌ eta kojchꞌiꞌtjic chi ruyuꞌnjic rimanlajic wach i nicꞌ paꞌ nimal kꞌoro̱j cahnok ruꞌum i Dios.

Reꞌ ok Dios yeꞌbok ricowil kacꞌux chi maꞌ eta kojchꞌiꞌtjic. Reꞌ ok reꞌ yeꞌbok anoꞌjbal tak chi atobjic tak chi wihꞌic pan jenaj wach cꞌuxlis chawibil awi̱b tak chipam rinimjic i Jesus reꞌ Pahbamaj chi Kꞌatal Kꞌoric. Wi pan jenaj wach cꞌuxlis wilca̱t tak, xa pan jenaj wach cꞌuxlis chꞌi̱l capew-bal woꞌ enalokꞌej tak wach i Dios reꞌ rAja̱w i Ajabe̱s Jesus reꞌ Pahbamaj chi Kꞌatal Kꞌoric.

Ruꞌum chi reꞌ nawa̱j nak tak ribanaric maꞌ kꞌe̱ꞌ ta woꞌ chic curman chiwach chi enquicowsaj quicꞌux chiri̱j i Jesus take awas acha̱kꞌ tak aj niminel, nipahkaj atoꞌbil aweh tak chi chacꞌul tak pan sukquil cꞌuxlis take awich aj niminel tak jeꞌ ricab acꞌuluric tak xiban i Jesus reꞌ Pahbamaj chi Kꞌatal Kꞌoric. Jeꞌ reꞌ nikꞌor maj reꞌreꞌ xojricꞌul ru̱cꞌ reh chi chiꞌnchel i hoj cꞌacharel enkayew rilokꞌil i Dios.

Reꞌ laꞌ til kꞌe̱ꞌ woꞌ chic curman chi keh reꞌ risiqꞌuiric riyeꞌeric rilokꞌil i Dios cuꞌum take kich aj niminel naquilom kaholohic laj bano̱j reh chi jeꞌ reꞌ riman chic enquicowsaj quicꞌux chi rinimjic i Jesus.