Popular Bible Verses from COLOSENSES 4

Share

Ru̱cꞌ anoꞌjbal tak wilic na̱wehtꞌalim tak nicꞌ wach quicꞌuꞌljic na̱banam tak take cꞌacharel reꞌreꞌ nancaꞌn jenoꞌ pahkanic aweh tak chiri̱j animinic naꞌn tak. Ruꞌum aj reꞌ, reꞌ hin nipahkaj woꞌ aweh tak chi jeꞌ ricab i nansukbic i cꞌuxbal nancojoric ratzꞌamil, jeꞌ ta woꞌ nak reꞌ chiban akꞌorbal tak natikꞌorok tak pan atoꞌbil chi rikꞌormojic i ribiral i Jesus reh chi jeꞌ reꞌ xa suk woꞌ quicꞌux i tinamit naquibiraj i cꞌuhbalanic naꞌn tak.

Yuꞌna, reꞌ aj chic chiri̱j i banoj ti̱j chiwach i Dios, nipahkaj aweh chi chayew acꞌux tak chi junelic eh ma̱pohꞌaj acꞌux tak chi ti̱j, xa cꞌahchiꞌ laꞌ ok woꞌ ca̱t tak chi tioxonic chiwach i Dios ru̱cꞌ take paꞌ bih riban chawi̱j tak.

Chi jeꞌ reꞌ pahkanic niban chawach tak, nipahkaj woꞌ chic aweh tak i wili: Wi xirak achi̱ꞌ tak rikꞌormojic i Lokꞌ laj riCꞌuhbal i Dios queh take jaꞌ quehtꞌalim ta wach i Dios, chakꞌor tak queh, ma̱kꞌeb tak i juncꞌam reꞌreꞌ chi kꞌoric chiri̱j. Reꞌ cok ruꞌ maꞌ ok xa reꞌ ti reꞌ naꞌn tak, til laꞌ ok cꞌuhtunok lok anoꞌjbal tak chi toco̱m chic riwi̱ꞌ cꞌacharic naꞌn tak.