Popular Bible Verses from มาระโก 2

Share

ตานา เยซู ดืองัยํ กะฆีเตอ_ ญา ตีกัฮ กะ กูญา จะ_ “ซือมียา นู ซือนัง ญาวา เตอ_ ญา เตด ปี มียา บูมอยํ. ตาปี ซือมียา นู ซาเกะ_ ญา เลอ_ นู นะ มียา บูมอยํ. กู มาแรฮ ดัฮ_ บูกัด นะ ปาเงน โกะ ซือมียา บาฌิ ตือปัจ_ ตาปี บีดา นะ ปาเงน โกะ ซือมียา บือดูซา เลอ.” ญา จะ.

ตานา เยซู ลีฮัจ_ นู กูญา ปือจายา กะฆีเตอ_ ญา มือเลา กะ ซือมียา ฮอย อูรัจ จะ_ “เกา เออ_ ดูซา นะ เกา_ กือนา อาเกะ บรี ดัฮ.”

กะฆีเตอ_ เยซู มือเลา กะ ลูมอฮ ฟาริซี จะ_ “นู ตูฮัด บือฌาดี โกะ อูมัจ ซือมียา ดัฮ_ บูกัด บีดา กูญา นะ ตูโรจ ฮูโกบ อารี บราดู เตอ_ ตาปี ญา ตืองะ ฮูโกบ อารี บราดู อีตู_ บีดา นะ ตูโลก โกะ อูมัจ ซือมียา.

ตาปี กูญา มาโซะ บรี รอจ กะ ญาวา นะ เยซู_ เตด บือเลฮ ดัฮ_ กรานา โกะ ซือมียา บาญะ ตือลาลู. กะฆีเตอ_ กูญา บูกา กือมูโบก รูมัฮ_ เดะ อาตัซ ตือปัจ เยซู ดูโดะ. ตือบูกา ดัฮ_ กูญา ปลือปัซ ลือปัจ นะ อูรัก ฮอย อูรัจ อีตู_ บือตูโรด ปี กะ บาวัฮ.

ตาปี กู นะ บรี กาเญา ตาฮู จะ_ นานะ นะ อูมัจ ซือมียา อาดา มือฆัฮ_ นู นะ อาเกะ ดูซา นะ ซือมียา เดะ ดือนียา บือเลฮ.” ญา จะ. กะฆีเตอ_ เยซู มือเลา กะ ซือมียา ฮอย อูรัจ จะ_ “กู ซูโรฮ เกา จะ_ บีกัซ เลอ. อาเกะ บาวา ลือปัจ นะ เกา_ บาลิ ปี กะ รูมัฮ เลอ.” ญา จะ.

นู ดีฮา มือเลา ซือนัง ลาฆี? นะ มือเลา กะ ซือมียา ฮอย อูรัจ จะ_ ‘ดูซา นะ เกา_ กือนา อาเกะ ดัฮ’_ เฆอ จะ_ ‘บีกัซ เลอ_ อาเกะ บาวา ลือปัจ นะ เกา_ บือฌาลัด ปี เลอ.’ นู ดีฮา ซือนัง ลาฆี?

ดัดดัด อีตู_ ซือมียา ฮอย อูรัจ_ ญา บีกัซ ดัฮ. ญา อาเกะ บาวา ลือปัจ นะ ญา_ ตรือเบะ ปี ดัฮ_ โซะ ฮือลด มูคา นะ โกะ ซือมียา ซือมูฮา. กะฆีเตอ_ กูญา ซือมูฮา ปือและ ฮาตี ซูโงฮ_ มือโอจ กะ ตูฮัด เดะ อาตัซ_ มือเลา จะ_ “ลาฆู กะฆีนี เลอ_ กีตา เตด ดือละ ลีฮัจ ดูลู.”