Popular Bible Verses from رومی کلیسارا نامه 5

Share

ولی خدا اِشتَن مُحبَتی اِنتَرَ اَمَراش آمونِستَه، وَقتی اَمه هَنوزَنی گِناخکار بیمون، مَسیح چَمَه خونِه مَردَ.

و اِم اُمید داشتِه چَمَه شرمندگی باعیث نیَبِن، چون خدا موحبَت، خدا موقدسَه روح نَه کن اَمَشون دوعَه یه، چَمَه دِلونکاشون ویکَردیَه.

نِه تاکَه اِم، بَسکَم سَختیونکا نی خشی بکَمون، چون بَموستیمون کن اِم سَختیِن صبری سِی آرَکَرد و صبر، شَخصیَتی سِی آرَکَرد، و شخصیت اُمید داشتِه سِی آرَکَرد؛

پس اِمی خونه کن ایمان داشتِه نَه صالح بَحیساب آمَه ایمون، چَمه خداوند عیسای مسیح واسیطَنَه خدا نَه صُلحِمون هِسته. اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

چون هَنگومی کن اَمه هَنوزَنی عِجِز بیمون، مسیح چاکَه موقِه بی خدا اون خونِه، اِشتَن جانی آداشَه.

پس اِمی خونه کن، چَی خونی واسیطنَه صالح بَحیساب آمیمون، چَنَه ویشتَر چَی واسیطنَه خدا غَضَّبیکا نیجات بَگَتیمون.

چون هَتَه کن ایلَه آدَمی گناخی خونِه، خَیلیِن گناخ کار آبین، ایلَه اینسانی ایطاعَتی خونِه نی خَیلیِن صالح آنَّب.

نِه تاکَه اِم، بَسکَم اَمه چَمَه خداوند عیسای مَسیح واسیطنَه، خدا آشتی چَمَه نصیب آبَه، و خدا دِلَکا نی خَشی بکَمون.