Popular Bible Verses from رومی کلیسارا نامه 14

Share

اِمی خونه کن خدا پادیشاهی هَردِ و هِنتِه نیَه، بَسکَم صالِح بِه،صلح و سَلامتی و خدا موقدسَه روح دِلَکا خَشی کَردِ یَه. هَر کَم اِنتَرَکِه مَسیح خیدمَت بکَرِ، خدا بَی قبول بَکَی و مَردوم نی بَی تاَیید بَکَنَه.

چیرا کن اَگَم زندگی بَکَمون، خِداوَندیرا یَه، و اَگَم بَمَردیمون، اَ نی خِداوَندیرایَه. پس چِه زندَگی بِکَرَم، چِه بِمِرَم، خداوندی شِنیمون.

پس بِرَ اَچیی ایی کن صلح و سلامتی و یَندِ ایمانی آمبَست کَردِ باعیث بَبی، دوملَه بِبَم.

پس، بِرَ چیمی بَه دوملَه یَندِ قیضاوت نِکَرَم، بَسکم تَصمیم بیگِرَ کن هیچ اَلِسکامونَه سِه ایی یا مانعی اِشتَن برا راکا نِنَرَ.

چیرا کن اِشعَیای پیغمبری کیتاویکا نِوِشتَه آبَه یَه: «خداوند باتی: اِشتَن زندَگی سَر قَسَم کن هر زِنگی چمن ناریکا شَت آرَبن و هر زونی بَه خدا ایقرار بَکَیَه.» پس هَر کِرَم اَمَکا اِشتَن حیسابی، بَه خدا پس آرَدا.

کَسی کن چَی ایمان ضَعیفَه، اِشتَن جمعیکا راه بدَرَ، ولی نِه اِمی خونه کن چَی عَقیدَ اون خاطر بَینه گَه بَه گَه بدَرَ.

تِه کیشَه کن دییَری پاسَری سَر قیضاوت بَکَش؟ چَی آمبَست مَندِ یا ویگِنِستِه ایمانیکا، چَی اَربابی مَربوطَه. و اَ، آمبَست نی بَمَندیَه چون خداوند بَشایَه اَی آمبَست آکَرِ.