Popular Bible Verses from رومی کلیسارا نامه 12

Share

و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

پس برا اِن، خدا رَحمَتون خونه، بَشِمَکا خاشتو خاز بَکَمَه کن اِشتَن جَندَکون هِنتَه زِندَ قربونی خِدارا، موقدَّس و خدا دل پیستَه، تَقدیم بکَرَ کن اِم شِمَرا روحانَیه عیبادَتَه.

اومیدیکا خَش، و غَرَّ روجونکا صَبور ببَه و اوزون دِوا بکَرَ.

بدی اِشتِه سَر حریف آمبو، بَسکم چاکی کَردِ نَه بَدی سَر حریف بب.

و بِرااون شیوار یَندِ رَی بدارَ. یَندِ ایحترام نوعِه کا، یَندِ نار دَوَزَ.

موحبَت پی خالیص ببو. بَدیکا رَت آبَه و چاکَه چیکا سَخت آچیکَه.

اَگَم بَبییَه، تا اَ جِگا ایی کن بَشِمَه مَربوطَه، گِردینَه صلح و صَفانَه زندَگی بکَرَ.

اَی خاجَتیِن، هرگز تقاص مَویگِرَ، بَلَکم اَی خدا غَضَّبی واگذار بکَرَ. اِمی خونه کن توراتیکا نِوِشتَه آبَه یَه کن: «خداوند باتی: تقاص چمن شِنَه؛ اَز سزا آمَدا.»

هیچ موقِه شِمَه غَیرَتی خدا خونه ویمَکِشَه؛ روح دِلَکا کولوستار بِبَه و خداوندی خیدمَت بکَرَ.

چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

هیچ کَمی بدیرا بَدی نِکَرِ. بَسکم اَ چیی ایی کن گِردی چَمیکا حورمت بداشتی، اَنجوم بدَرَ.

یَندِنَه مودارا بکَرَ! یالَه نار مَبَه، بَسکَم دَس دَریسونَّه، شِه آمِه بکَرَ.هرگز بَشتن اَلمند مَزنَه.

بر عَسک، «اَگَم اِشتِه غَنیم اَنِشتا یَه، بَی هَرَدَ چی بِدَ! و اَگَم تِشیشَه، بَی آو بِنجامون! اَگَم انترَ بکَری جوری بَی شرمندَ بَکشه کن، هنتَیَه اَسوجونَه پَسنَه اون چَی سَریکا گِرد آشَکَرد.»

اَیِنیرا کن بَشِمَه اَیذَت آزار بَکَنَه، برَکت بِپییَه؛ برَکَت بِپییَه و نِفرین نِکَرَ! خَشَه آدَمونَّه خَشی بکَرَ، و اَیِنینَه کن کان بِرَمِستِه، بِبرَمَه.

موقَدَسَه آدَمون نیازی رَف کَردِ کا سهم بدارَ و مِیمان نواز بِبَه.

چون هَتَه کن چَمَرا گِردی ایلَه جندک هِستیمون کن وِرَ اَعضاکا سِی آبَه یَه و اِم اَعضا کار یَکسان نیَه، پس اَمه نی کن خَلیی ایمون، مَسیح دِلَکا ایلَه جَندَک هِستیمون و ایلَه ایلَه، یَندِ اَعضا ایمون.