Popular Bible Verses from اول تیموتائوس 6

Share

اِ جنگ خو ایمو، جنگ بِهَه ئو بچسب اَر ژییاین ابدی‌ای گه اَرِه هِنا بینی ئو اَر تک شاتَل فِرِه‌ی اعتراف خوتَ بی کِرد.

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

مِنتائای دینداری وَه‌گَرد قناعت، فادَه کَلِنگی کَ.

اَرِیَگه ایمَه هُیچمونی ناوِردیَس اَرِه ایی دنیاءَ ئو نِمَتونیم هُیچ‌یشی اَژی بیَریمی.

حکِم بِهِه اَر ثرودمنَل ایی زمونَه گه قُرات نوئن ئو امیدون‌ اَر مال ایی دنیاءَ ناو گه نِمَمینی. بلکِم امیدون‌ اَر خدا بو گه کُل چی چَل‌چَل اَرِه ایمَه تیارِکَ موئینی تا اَژینو لَذت بیَریم.

مِنتائای اونَلی گه هانِ تَما ثرودمن بیئِن، مَکُوئِنِ وسوسَه ئو تِلَه هُواوهوسَلی گه پُیچِن ئو ضِرَد دیرِن ئو باعث نابودی ئو هِلاکت مردِمَ موئن.

فِربو بیَ بینو گه خوئی بِهَن ئو اِ کارَل خِر دولَمَن بوئن، دس‌ِدلواز ئو دسَ‌خِر بوئن. وَه هُنَ، گنجی اَرِه ووژونَ ماوژِنِ پِ دس گه ماوَ پِ خوئی اَرِه آیندَه‌ئو، تاگَه بچسبِن اَر اَ چیئَه گه ژییاین حخیخیَ.