Popular Bible Verses from Roma 10

Share

Ni ipahayag mo a ti Jesus ay Panginoon sakay sumampalataya ka ti buo a puso a biniyag siya a huway nu Diyos, ay maligtas ka.

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

Kanya sumampalataya la u tolay ni masaneg na u mensahe tungkul ni Cristo. Sakay makasaneg la siya ni tehhod a mangaral tungkul ni Cristo.

Dipo kinagi na tu Kasulatan, “Ni deyaman u sumampalataya nikuna ay awan mepasanike.” Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna. Dipo kinagi na tu Kasulatan a, “U atanan a umaged tu Diyos ti habag ay hide u kahabagen sakay iligtas na.”

Sakay kodya a makapangaral u deyaman ni awan siya inutusan? Ayun tu Kasulatan, “Anya dámben ti ganda a áelingán u pademát hide a magtoldu tu Maganda a Baheta.”

Pero kodya hide a dumulaw ni awan be hide sumampalataya nikuna? Sakay kodya hide a sumampalataya ni awan palla hide nakasaneg tungkul nikuna? Sakay kodya hide a makasaneg ni awan ti mangaral?

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.