Popular Bible Verses from Pahayag 19

Share

Dapat kitam a magsaya sakay puriyán tam siya, dipo dummemát dán u kasal nu Tupa. Sakay nakahanda dán u kakasal na a bábbey.

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”

Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Kumán a maggehab a apoy u mata na, sakay makpal siya a kurona. Sumássulat tu bággi na u ngahan na, pero siya la i makatukuya'y tu gustu na a kagiyán. U imbadu na ay kumán a imbatad ti dige, sakay u págdulaw de nikuna ay “Upos nu Diyos.”

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.