Popular Bible Verses from Hebreo 2

Share

Dipo naranasan na a tinokso sakay naghirap, kanya matulungan na be nadid u toksuwán hide.

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Kanya ngane, dapat tam a pakatáttawiden ti mahigpit u tatahoden a nasaneg tam, tánni awan kitam metawtaw.

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.