Popular Bible Verses from 1 Timoteo 6

Share

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

Tahod ngane dakál pakinabangay tu pannampalataya tu Diyos, basta tukoy la nu tolay a makontento tu kalagayan na.

Dipo awan kitam ti tawed tu kákkeenak tam ti munduwáy, kaya awan kitam be ti matawed kákkatay tam.

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

Pero u masoh hide a yumaman tu maski ánya man a paraan ay matápduk tu tokso sakay maekhutan hide nu mágkadukás de a kagustuwan a mángpalulung nide tu kamatayan sakay kapahamakan.

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum. Ti konna hod ay makapagipun hide ti kayamanan ti langet a awan mawan para tu tamuwán, sakay magkahod hide ti tatahoden a biyag.