Popular Bible Verses from 1 Pedro 4

Share

U mahalaga tu atanan ay magmahalan kam ti tapat, dipo u págmahal ay makapagpatawad maski sakodya a kakpal u kasalanan.

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

Pero ni maghirap kam dipo tu pánniwala moy ni Cristo ay diyan moy ikasanike; nan magpasalamat kam tu Diyos, dipo nadulaw kamon a tolay ni Cristo.

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Kákkapatkákka ko hide, diyan kamon magtaka tu garabi a hirap a dáddanasán moy nadid a pagsubuk tu pánnampalataya moy. U tatahoden u atanan a simmampalataya ni Cristo ay magdanas ti kahirapan. Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

Tanggapán moy ti maayus u kákkapatkákka tam hide ni tumulos hide tu bilay moy.

Kanya hikam a maghirap hide dipo tu kagustuwan nu Diyos ay dapat itulos-tulos moy la u pággimet moy ti maganda sakay magtiwala kam tu Diyos a Nanglalang, dipo tapat siya tu pananto na hide.

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan. Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.