Popular Bible Verses from تِيطُس 3

Share

و لَكِن لَمّا لُطف الله مُخَلِّصنا و مَحَبَّتو ظَهَرو لِلنّاس، هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد. و الله كَبَّ الرّوح القُدُس عَلينا بِغِني بِيَسُوع المَسيح. حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

زَكِّرُم يَكونو تِحِت سُلطَة الرّؤساء و السَّلاطين، و يَطيعو و يَكونو جاهِزين لِكُلّو عَمَل طَيب. و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

لَكِن كون بَعيد مِن الأسئلَه البَليدَه، و حِسابات الأجيال، و الحَرب بِالكَلام، و الشَّكلات عَن القانون، عَلَشان ديل باطِلَه و بِدون فايدَه.

و الرّاجِل البِحِب يَقَسِّم النّاس، حَزِّرو مَرَّه و مَرَّتين. و بَعَد دا، كون بَعيد مِنّو.