Popular Bible Verses from أفَسُس 5

Share

أعمِلو زي ما الله بيَعمِل، زي أولاد مَحبوبين. و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

شوفو بِالظَّبط كيف إنتو تَعيشو، مُش زي البَليدين لَكِن زي الفاهمين. أعمِلو الأحسَن بِكُلّو فُرصَه، عَلَشان الأيام شَرّيرَه.

ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح. و تِتكَلَّمو بَعضَكُم بَعض بِمَزامير و حَمد و تَرتيلات روحيَّه و تَرَتِّلو و تَعمِلو مُزيكا في قُلوبكُم لِلرَّب. و تَشكُرو كُلّو وَكِت لِكُلّو حاجَه لِلَّه الأبو، في إسم رَبَّنا يَسُوع المَسيح.

عَلَشان كِدا ما تَكونو بِدون حِكمَه، لَكِن أفهَمو شِنو إرادَة الله.

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

و تَطيعو بَعضَكُم لِبَعض في خوف الرَّب.

يا نِسوان، طيعو رُجالكُم زي لِلرَّب.

و لَكِن خَلّي كُلّو واحِد مِنَّكُم يَحِب مَرَتو زي نَفسو، و خَلّي المَرَه تَحتَرِم راجِلا.

بِالسَّبَب دا، الرّاجِل يَسيب بيت أبوهو و أُمّو و يَلَزِّق بِمَرَتو، و هُم الإتنين بِكونو جِسم واحِد.

و ما تَكون ليكُم شَرِكَه مَعَ أعمال الضُّلُمَّه الما عِندَهُم ثِمار، لَكِن وَبِّخوها.