Popular Bible Verses from ٢ بُطْرُس 3

Share

و الرَّب ما مِتأخِّر بِوَعدو زي ما بَعض مِن النّاس يَفتَكِرو. لَكِن هو عِندو صَبر عَليكُم، و ما عاوِز واحِد يَموت، لَكِن عاوِز الكُل يَجو لِلتّوبَه.

لَكِن ما تَنسو الحاجَه الواحدَه دي، يا مَحبوبين، يوم واحِد مَعَ الرَّب زي ألف سَنَه، و ألف سَنَه زي يوم واحِد.

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟ و إنتو مُنتَظِرين و مِستَعجِلين يوم الله البِجي. عَلَشان اليوم داك بِجيب خَراب السَّماوات بِالنّار، و الحَر الشَّديد بِخرَب النُّجوم.