Popular Bible Verses from ١ بُطْرُس 4

Share

فوق كُلّو شي، حِبّو بَعضَكُم بَعض بِمَحَبَّه شَديدَه، عَشان المَحَبَّه تَغَطّي خَطايا كَتيرَه.

خَلّي كُلّو واحِد مِنَّكُم يَخدِم التّانيين بِالهَدِيَّه القِبِلا، مِثِل وُكَلا طَيبين لِنِعمَة الله المُختَلِفَه.

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

يا مَحبوبين، ما تِتعَجَّبو مِن التَجرِبَه النّاريَه الحَصَلَت ليكُم لِإمتِحانكُم، زي الحَصَلَت ليكُم هي حاجَه غَريبَه. لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

أفتَحو بُيوتكُم بَعضَكُم بَعض بِدون ما تَنَقنِقو.

عَلَشان كِدا، البِتوَجَّعو بِحَسَب إرادَة الله، خَلّوهُم يَدّو نُفوسُم لِلخالِق الأمين، و يَعمِلو الخير.

كِدا، عَلَشان المَسيح إتوَجَّع في جِسمو، كونو إنتو كَمان مَسَلَّحين بِنَفس الفِكِر دا. عَشان الإتوَجَّع في الجِّسِم، وَقَف مِن الخَطيَّه. عَشان ما يَعيش الوَكِت الباقي في الجِّسِم لِشَهوات النّاس، لَكِن لِإرادَة الله.

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.