Popular Bible Verses from Sealm 146

Share

Þonne bið eadig ­ ­ ­ ­ ­þe him æror wæs Iacobes God ­ ­ ­ ­ ­geara fultumiend, and ær his hiht on God ­ ­ ­ ­ ­hæfde fæste

Nelle ge on ealdurmenn ­ ­ ­ ­ ­ane getreowian, ne on manna bearn; ­ ­ ­ ­ ­nis þær mycel hælu.

deð gedefe ­ ­ ­ ­ ­þe her deorce ær teonan manige ­ ­ ­ ­ ­torne geþoledan; syleð mete swylce ­ ­ ­ ­ ­þe her murcne ær hungur heaðugrimne ­ ­ ­ ­ ­heardne geþoledan. Wreceð to ræde ­ ­ ­ ­ ­rice Drihten þara manna bearn ­ ­ ­ ­ ­þe ær man gebræc, swylce þa gefetredan ­ ­ ­ ­ ­fægre Drihten lungre alyseð ­ ­ ­ ­ ­and him lif geofeð, and blinde eac ­ ­ ­ ­ ­bealde Drihten on heora eagum ­ ­ ­ ­ ­eft onleohteð; soðfæste Drihten ­ ­ ­ ­ ­swylce lufade.

Se þe heofon worhte, ­ ­ ­ ­ ­hrusan swylce and sidne sæ ­ ­ ­ ­ ­samed ætgædere, and ealle þa þe him on ­ ­ ­ ­ ­ahwær syndon. He his soðfæst word ­ ­ ­ ­ ­swylce gehealdeð, and on worulde his ­ ­ ­ ­ ­wise domas

Þa elðeodigan ­ ­ ­ ­ ­ealle Drihten lustum healdeð, ­ ­ ­ ­ ­and lif geofeð weodewum wencelum; ­ ­ ­ ­ ­he hiom wel onfehð, fyrenfulra weg ­ ­ ­ ­ ­frecne toweorpeð.