Popular Bible Verses from Sealm 136

Share

Ic andette ­ ­ ­ ­ ­ecum Drihtne, for ðon he gōd is, ­ ­ ­ ­ ­and ic ful gearwe wat, þæt he to worulde byð ­ ­ ­ ­ ­wis and mildheort.

Andetað nu ealle ­ ­ ­ ­ ­þam ecean Gode, þe on heofonum is ­ ­ ­ ­ ­heah eardiende. And ge ealra gōdena Gode ­ ­ ­ ­ ­geara andettað, for þan his mildheortnes ­ ­ ­ ­ ­is mycel to worulde.

Eac ic andette ­ ­ ­ ­ ­þam þe ece is ealra gōdena God, ­ ­ ­ ­ ­for ðon ic hine gōdne wat.

Andette ic swylce ­ ­ ­ ­ ­þam þe ealra is drihtna Drihten ­ ­ ­ ­ ­dædum spedigast, for ðon he gōd is, ­ ­ ­ ­ ­and ic gearwe wat, þæt his mildheortnes ­ ­ ­ ­ ­is mycel to worulde.