Popular Bible Verses from Roma 6

Share

Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu iNkosi yethu.

isono kasiyikubusa phezu kwenu ngoba kalingaphansi komlayo, kodwa lingaphansi komusa.

Ngalokhuke sambelwa laye ngokubhaphathizelwa ekufeni ukuba, njengoba uKristu wavuswa kwabafileyo ngobukhosi bukaYise, ngokunjalo lathi sihambe ekuphileni okutsha.

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono

Ngokunjalo lani kalibokuthi lifile mayelana lesono, kodwa liphilele uNkulunkulu kuKristu Jesu.

Ngakho sizakuthini? Sizakuhlala esonweni ukuba kwande umusa na? Phinde! Thina esafa mayelana lesono singaba sisasila kanjani kuso na?

Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo, lokuthi, selikhululiwe esonweni, liyizigqili zokulunga khathesi.