Popular Bible Verses from Roma 1

Share

Ngoba kangilanhloni ngevangeli; lingamandla asilisayo kaNkulunkulu kulowo okholwayo, kumJuda kuqala lakumGriki.

Ngoba ukulunga kukaNkulunkulu kwambulwa kilo, kuqala ngokukholwa, kuphele ngokukholwa; njengokulotshiweyo ukuthi: Olungileyo uzakuphila ngokukholwa.

Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela

ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

ngoba baphendula iqiniso ngoNkulunkulu balenza amanga, bakhuleka bekhonza okudaliweyo kuloMdali ongobongekayo kuze kube nininini; Ameni.

Ngoba ulaka lukaNkulunkulu oluvela ezulwini luyabonakala phezu kwabo bonke ububi lokungalungi kwabantu abavimbela iqiniso ngokungalungi kwabo.

Ngenxa yalokho uNkulunkulu wabayekela enkanukweni ezimbi. Abesifazana babo baphendula ukwenza kwemvelo kwaba ngokuphambene lemvelo. Ngokunjalo labesilisa bayekela ukwenza kwemvelo esifazaneni, batsha ngokukhanukana; abesilisa benzana okulihlazo, bamukeliswa umvuzo ofanele ukuduha kwabo. Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga

Bezitshaya abahlakaniphileyo, baba yizithutha, lenkazimulo kaNkulunkulu ongabhubhiyo bayiphendula yafana lomfanekiso womuntu obhubhayo, lowezinyoni, lowezinyamazana, lowokuhuquzelayo.