Popular Bible Verses from Nani 14

Share

Kodwa lingayivukeli iNkosi; futhi lingesabi abantu balelolizwe, ngoba sizabadla sibaqede. Kabaselaso isivikelo; iNkosi ilathi; ngakho lingabesabi.

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

Uba iNkosi isithanda, izakusingenisa elizweni lelo eligcwele uchago lenyosi, isinike lona.

Kodwa inceku yami uKalebi ulomoya owahlukileyo, wangilandela ngokupheleleyo; ngakho ngizamngenisa elizweni aya kilo; lizakuba ngelenzalo yakhe.

Tshono kibo uthi: Ngiyazifunga, kutsho iNkosi, ukuthi lokho elikukhulume ngisizwa ngizakukwenza kini.

INkosi yathi kuMose: Koze kube nini lababantu bengidelela na? Koze kube nini bengangithembi, lanxa ngenze izibonakaliso ezinengi phakathi kwabo na?

Bonke abakoIsrayeli babasola oMose loAroni; lonke ibandla lathi kubo: Kungathi ngabe safela elizweni laseGibithe, ingabe enkangala!

UJoshuwa indodana kaNuni loKalebi indodana kaJefune ababephakathi kwalabo abahlola ilizwe, badabula ingubo zabo, bathi kulo lonke ibandla labakoIsrayeli: Ilizwe esadabula kulo ukuba silihlole yilizwe elihle kakhulu.

kodwa impela, njengalokhu ngiphila, lanjengalokhu wonke umhlaba uzakugcwala inkazimulo yeNkosi, bonke abantu ababone inkazimulo yami lezibonakaliso zami engazenza eGibithe lasenkangala, abangilingileyo izikhathi ezilitshumi bengezwanga ilizwi lami, kabayikubona ilizwe engafunga ukulinika oyise; futhi labo abangidelelayo kabayikulibona.