Popular Bible Verses from Eks 9

Share

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

INkosi yasisithi kuMose: Yana kuFaro uthi kuye: INkosi, uNkulunkulu wamaHeberu, ithi: Vumela abantu bami ukuba bahambe ukuyangikhonza.

Uba bengiselule isandla sami ukukutshaya labantu bakho ngesifo, ubuzakuchitheka emhlabeni.

isandla seNkosi sizakwehlela laphezu kwemfuyo yakho esegangeni, laphezu kwamabhiza labobabhemi, lamakamela, lenkomo lezimvu, siletha isifo esinzima kakhulu. Kodwa iNkosi izakwenza umahluko phakathi kwenkomo zabakoIsrayeli lezamaGibithe; kakuyikufa lutho kukho konke okwabakoIsrayeli.

Kusasa ngalesisikhathi ngizakunisa isiqhotho esikhulu, esingazanga sibonwe eGibithe selokhu lamiswayo kuze kube khathesi. Ngakhoke hamba masinyane, ubuthele esibayeni zonke inkomo zakho lemfuyo yakho yonke esegangeni, ngoba bonke abantu lazo zonke inkomo okufunyanwa egangeni kungabuthwanga kuzakutshaywa yisiqhotho, kufe.

Uzakuba luthuli phezu kwelizwe lonke laseGibithe, uphenduke ube ngamathumba azaphihlika abe yizilonda ebantwini lasezinkomeni kulo lonke ilizwe laseGibithe. Basebewuthatha umlotha weziko, bema phambi kukaFaro; uMose wawuphosela phezulu, waba ngamathumba aphihlika aba yizilonda ebantwini lasezinkomeni.